Makamu wa Pili wa Rais Mhe. Hemed Suleima Abdulla akizungumza na waumini wa Dini ya Kislamu katika sherehe za mazazi ya Mtume Muhamad (S.A.W) zilizofanyika Tumbatu Jongowe ambapo Mhe. Hemed amemuwakilisha Rais Dk. Mwinyi.

Na Mwandishi wetu 

Rais wa Zanzibar na mwenyekiti wa Baraza la Mapinduzi Al-Haji Dk. Hussein Ali Mwinyi amewataka waumini wa Dini ya Kislamu kutumia maadhimisho ya Mazazi ya Mtume Muhamad (S.A.W) kwa kudumisha Amani na mshikamano katika jamii.

Makamu wa Pili wa Rais wa Zanzibar Mhe. Hemed Suleiman Abdulla alieleza hayo wakati akimuwakilisha  Rais Dk. Mwinyi katika sherehe za Maulid ya Kusifu Mtume S.A.W yalioandaliwa na waumini wa Tumbatu Jongowe Mkoa wa Kasakazini Unguja.

Alisema kuwa, moja kati ya Sifa za Mtume Muhamad S.A.W alikuwa ni kiongozi mwenye sifa ya kuwaunganisha na kuwaleta pamoja watu kwa kutumia maelekezo ya Dini ya kislamu bila ya kujali tofauti zao.

Mhe. Alifafanua kuwa kuna kila sababu kwa waumini na wananchi wa Tumbatu Jongoe na maeneo mengine kuiga kigezo chema kutoka kwa kiongozi wa Umaa wa Kisalamu kwa kudumisha Umoja, upendo na mshikamano  bila ya kujali tofauti zozote walizonazo ikiwemo tofauti za kisiasa.

Aidha, aliwahakikishia wananchi wa Tumbatu Kuwa, serikali ya awamu ya nane inayoongozwa na Rais Dk. Mwinyi itahakikisha shughuli za wananchi zinaendelea vyema kwa kuwafikishia huduma za msingi ikiwemo masuala ya kimaendeleo.

Pamoja na mambo mengine Makamu wa Pili wa Rais aliwakumbusha waumini hao kuendelea kumuombea Dua Rais Dk. Mwinyi ili Mwenyezi Mungu amewezesha kuyatekeleza yale yote aliyoyaahidi kwa ajili ya kuwaletea maendeleo wananchi wake.

Kabla ya Kumkaribisha Mgeni rasmi Naibu Mufti Mkuu Sheikh Mahamoud Mussa Wadi aliwakumbusha waumini hao kushikamana na muongozo wa Dini ya kisalamu unaowataka waislamu kuishi pamoja na kuachana na tofauti ili kupata radhi za Allah (S.W).

Nae, Mkuu wa Mkoa wa Kaskazini Unguja Mhe. Ayoub Mohamed Mahamoud aliwataka wananchi wa Tumbatu na Zanzibar kwa Ujumla kuzitumia sherehe za Maulid ya kuzaliwa kwa Mtume (S.A.W)  kwa kuwaunganisha wananchi wote kuwa kitu kimoja.

Mamia ya waumini kutoka Tumbatu Jongowe walishirikiana pamoja na Makamu wa Pili wa Rais wa Zanzibar katika sherehe ya Maulid ya Mtume Muhamad (S.A.W) yaliofanyika  kijijini humo.

Waumini mbali mbali kutoka viunga vya Tumbatu Jongowe wakifuatilia Nasaha za Mgeni rasmi Mhe. Hemed alizozitoa katika Sherehe za Maulid ya kumsifu Mtume (S.A.W) ambapo aliwahimiza waumini hao hao kushikamana pamoja katika 
Mhe. Hemed akiwasalimia wananchi wa Tumbatu Jongowe wakati akiwasili kijijini hapo kwa ajili ya kushiriki katika  Sherehe za Maulid ya kumsifu Mtume (S.A.W).