MAKAMU wa Kwanza wa Rais wa Zanzibar Mhe. Othman Masoud Othman, amewataka watendaji wa Sense ya watu na Makazi kuwanawafikia viongozi wa kisiasa na vyama vyao ili kufikishia vema wananchi ujumbe wa elimu ya sensa ya watu na makaazi.

Mhe Masood ameyasema hayo leo ofisini kwake Migombani alipokutana na Kufanya mazungumzo na Kamisaa wa Sensa ya Watu na Makaazi  Zanzibar, Balozi Mohammed Hamza pamoja na watendaji wa Sensa ofisi ya Zanzibar.

Amesema kufanya hivyo kutasaidia wananchi kupata elimu sahihi juu ya Sensa ya watu na makaazi inayotarajiwa kufanyika Ogasti mwaka ujao ili ofisi hiyo iweza kukabiliana na baadhi ya changamoto za uwelewa kwa wananchi kuhusu  suala la sensa.

Amesema ni vyema wananchi wakaelimishwa ili wafahamu kwamba kushiriki katika sensa ni uwekezaji muhimu katika upangani na uwekaji wa mipango sahihi ya maendeleo ya Zanzibar.

Naye Kamisaa wa Sensa Zanzibar Balozi Mohammed Hamaza amemueleza makamu  kwamba mandalizi ya sensa hiyo yanaendelea ikiwa ni pamoja ukataji wa maeneo ya kuhesabu watu .

Balozi Hamnza alifahamisha sensa ijayo tafanyika kwa kutumia teknolojia ya kisasa ili kuwezesha kukusanywa kwa usahihi takwimu mbali mbali zinazohusu idadi ya watu,  makaazi, shughuli za kijamii na mambo mengine mbali mbali.